動漫資訊, 潮玩新聞 — 23/02/2013 at 5:58 pm

笑笑四格:蜘蛛俠老矣

by

年紀越大,身體機能自然越差,唔好強求,唔好成日話自己當年點點點,強如飛簷走壁嘅蛛蜘俠老咗屙尿都無力,仲扮勁玩頭下腳上屙尿?咪盞自作自受射濕自己囉。

睇完呢幅四格漫畫,我笑咗一笑,係囉,想當年我千杯不醉,家陣四五支Bud仔到肚就頂到上心口,人老了,真係好多嘢都不復當年勇,強如趙國大將廉頗,都被趙國使者看扁:「廉將軍雖老,尚善飯,然與臣坐,頃之三遺矢矣。」坐一陣都要去三次廁所,屙尿滴濕地,咪證明真係老咗囉,老咗咯喎,唔受人重用都好正常啫,長江後浪推前浪,呢句說話放諸全世界皆準。不過老咗都唔使灰嘅,老而彌堅嘛,你睇睇碧咸,識得退而求其次,加盟水準低一檔次嘅法甲球隊巴黎聖日耳門,綻放餘暉,一樣夠照。所以話唔怕你老,至怕你賴死唔走,老咗仲要扮勁,蜘蛛俠射濕自己就係你下場。

資料來源:http://tu.duowan.com/gallery/58275.html#p5