fbpx
主頁, 動漫資訊, 潮玩新聞 — 18/09/2020 at 2:15 pm

《新著龍虎門》蒼龍之死大呼過癮!老天尊仲可以翻生?

by

閱今期第1062期《新著龍虎門》有感。一,大呼過癮!蒼龍俾老妖一招分屍殺盡斷四肢,掟入油桶用水泥封死,跟手掟埋落海溺斃,等練成正宗九死邪功嘅佢死完翻生,翻生完又浸死,浸死完再翻生,如此這般無限輪迴,真箇大快人心;無疑手段係兇殘咗,亦非常黑社會黑幫仇殺Feel,但對敵人仁慈即係對自己殘忍,改邪歸正嘅老妖咁做合情合理呀喂,而諗到因為練九死邪功所以死九萬幾次先真正死得去,我覺得係一個好點子來的。二,莫名其妙,書末頁係個大大震撼彈,雖則我都好鍾意通天教老天尊呢個角色,但預示佢翻生會唔會過份咗啲?老天尊好似俾萬毒毒到屍骨無存,即係已經灰飛煙滅,仲點重現人世?呢條橋會唔會扭得盡咗啲?希望編劇可以合情合理地成功扭橋喇。