fbpx
主頁, 動漫資訊, 潮玩新聞 — 16/09/2020 at 9:45 pm

牛佬《勝利人生李浩東》密格抵睇咗! 朱順八定九?

by

睇完今期第7期《勝利人生李浩東》,感覺係……拿,牛佬千其唔好嬲呀,講事實咋,感覺係抵睇咗好多,比起之前《古惑仔》兩個地鐵站唔夠就揭完,《勝利人生李浩東》起碼密格三倍,劇情推進亦乾淨利落好多,從來覺得角色多啲對白係好事,性格刻劃先會令人印象深刻啲,人物描繪得有血有肉,讀者先會有追看意慾。至於個新四格劇場「海哥漫畫」呢……嗯,呢次到惠昌唔好嬲呀,Just better than nothing,我就唔係好笑得出,睇嚟要加多兩錢肉緊。And,第26頁應該畫錯咗,朱順八明明著深啡色衫加滿面癦痣,下一格話佢有錢身痕呼朋引伴請飲酒,卻畫成身穿淺啡色衫兼戴埋耳環,好明顯錯畫成朱順九。他朝如果打算出合訂本的話,記得改番好佢喇。

朱順八口多,惹來殺身之禍。

 

朱順八向阿哥朱順九告密,先至有後來黑吃黑事件。

 

留意番,兩兄弟雖然都戴帽,但阿哥朱順九青靚白淨、著淺啡色衫、戴耳環;細佬朱順九成面癦痣、著深啡色衫兼無戴耳環。

 

呢格繼續畫錯人、分錯色。

 

呢格畫啱。