fbpx
主頁, 動漫資訊, 潮玩新聞 — 18/08/2020 at 9:15 pm

《新著龍虎門》〈無名罪〉篇完結 《新著王風雷》暫時擱置

by

今期第1057期《新著龍虎門》〈無名罪〉篇完結,大家點睇?我覺得OK喇,畀90分。玩世紀病毒呢條橋有新鮮感、非洲七兄弟幾搞笑、將火雲邪神降番Level就最醒目。咁Bug都唔係無嘅,蒼龍無端端弱化咗、王小虎兩頁練成天殘腿過份咗,呢啲小Bug我可以接受。不過無記錯的話,初初好似事先張揚話王風雷、金羅漢同東方無敵三死一,家陣三個都無穿無爛,何解?另,今期鄺志德喺專欄透露,鑑於「穿越故事未度好便推出,一定不會有好成績」,所以暫時擱置《新著王風雷》,仲話「請各位讀者密切注意《新著王風雷》創刊號出版日期,一定令大家有所驚喜。」吓?唔係啩?相信好多港漫死忠Including me都好想快啲有新書睇,千其唔好不了了之呀。鄺志德加油,支持你呀。