fbpx
主頁, 動漫資訊, 潮玩新聞 — 11/08/2020 at 9:30 pm

牛佬自爆生死一線間 李浩東去龍虎門酒家講數

by

事忙,搞到今日先有時間靜靜哋坐低睇《勝利人生李浩東》第2期,今期我係先睇專欄嘅,因為想知牛佬身體狀況。據專欄透露,原來佢前後入院兩次,嚴重到要即刻做開肚手術,之後要接受深切治療,佢形容自己情況係「生死一線間」。噓,依家無事無幹出番嚟,就唔該好好保重身體咯,牛佬唔該聽話,扯少兩飛煙喇。另,今期故事都係介紹登場人物同江湖勢力分佈為主,節奏算明快,驚喜位在老虎幫同蛇頭幫講數地點居然係──龍虎門酒家。哈哈,唔知下期會唔會有疑似龍虎三皇呀、王風雷呀等《龍虎門》角色出場做侍應呢?又或,玉兒企酒家門口做知客?呵呵。