主頁, 動漫資訊, 潮玩新聞 — 30/07/2020 at 10:15 pm

黃玉郎道歉撻Q 送《小流氓》計劃胎死腹中

by

Sure咗架嘞,係肯肯定無得睇復刻《小流氓》架嘞,黃玉郎喺今期第10期《龍虎5世3世仇》「玉郎一周」詳細交代送書計劃胎死腹中原因:一,人手不足,Call唔到咁多馬幫手包裝入書喎;二,收到「另一出版公司的律師信,說《小流氓》的版權及商標是屬於他們的,暫時不宜將《小流氓》隨書附送」。咁樣算唔算欺騙讀者?雖則好失望,但我唔想用「欺騙」兩個字嚟形容,畢竟送書係Bonus,有就錦上添花,無亦無傷大雅。不過呢,為表誠意,單單撩幾字道歉係唔夠嘅,我覺得黃玉郎應該考慮作出補償,我大膽建議──下期畫多一半篇幅,一期書出夠期半頁數,即係Total有45頁,照舊賣番$23──咁就保證讀者們條氣順番晒,Do you agree?