主頁, 動漫資訊, 潮玩新聞 — 24/07/2020 at 8:30 pm

黃玉郎《龍虎5世3世仇》撻Q 無《小流氓》送

by

未至於好好好好嬲,但真係好好好好失望囉。早喺周四之前,各大中小港漫討論平台已經吹晒風話黃玉郎會撻Q,兌現唔到隨《龍虎5世3世仇》第9期附送《小流氓》嘅承諾。去到周四,落到書報攤,Oh,No,Oh,No,真係無。黃玉郎喺書裡面出咗個「道歉啟示」,照Copy and Paste如下:「因新冠病毒疫情再度爆發,情況嚴峻,影響了隨書附送贈品此項目的大量人手製作流程,故此迫於無奈之下,暫時擱置,直至另行通知。在此敬向各位親愛的粉絲們致以萬分歉意!」人手不足都係藉口?唔會啩!定又係版權問題呀?去到Last一刻先俾文化傳信煞停呀?我估係,希望唔係,因為我真係好想睇《小流氓》的。