主頁, 動漫資訊, 潮玩新聞 — 27/03/2020 at 9:30 am

邱瑞新《火武耀揚》西人仔派口罩 明寸政苦抗疫不力

by

今期第1066期《火武耀揚》笑到我Gap Gap聲,事關有我極Like嘅角色西人仔出場。劇情講到長樂社坐館文虎為爭「新界聯盟」主席,不惜叫西人仔入元朗各村派漂白水同口罩,藉以收買人心,過程爆笑度滿分。成件事擺明影射某香港政團嘅蛇齋餅糉攻勢,又明寸林奠政府抗疫不力。西人仔幾句對白可堪玩味──「係喎!我係嚟派罩。」、「講起嚟有少少尷尬,當『正苦』仲『戇鳩鳩』嘅時候,佢已經捐出漂白水同酒精搓水液,免費畀村民!」、「呢度有二萬個免費口罩,有啲有我親筆簽名,睇吓你好唔好彩抽到嘞!」邱福瑞講古就有呢度好,反映世情,令人哭笑不得,咁當然,係苦笑喇。