iOS/Android雙平台 直感飛機拍片

by

手機影相、拍片,人人都話自己係大導!用遙控飛機拍又如何?唔係國產啲流口水嘢! Parrot全新一代遙控四軸飛行器──AR.Drone 2.0:靚玩1,280 X720高解像拍片又影相,最開心係完全對應iOS同Android系統,iPad、Tab、Galaxy、iPhone人人啱玩!

操控介面都好搞嘢!傳統人愛傳統孖棍仔?對唔住!係手機或平板電腦上嘅虛擬棍仔先啱;當你以為只可以前前後後左左右右之「掣」,佢非常革命性地加入「翻滾按鈕」,按個掣、新手都可以做飛行特技員!

另一個更好玩模式係「絕對飛行」,當在你喺iOS或Android手機或平板電腦,安裝《AR.FreeFlight 2.0》操控程式後, AR.Drone 2.0 就可以與這些設備通過 Wi-Fi 進行連接。連接完成後,所有機上的儀錶將會以駕駛艙模式顯示在螢幕上。

按下起飛按鈕、啓動四個無刷摩打,AR.Drone 2.0 就會起飛;你用大拇指按住螢幕任何一邊,所按住的地方便會自動形成一個控制按鈕。

按住左側按鈕,AR.Drone 2.0 將跟著用家的動作而移動:當你把平板電腦向外、向內或向左右傾斜時,AR.Drone 2.0 也會相應地向前、向後、或橫向移動;操控完全直感!

至於儲存方法,機身除有USB手指插槽,你仲可以用手機或平板作同步收錄,兼上載至YouTube或Picasa;遲吓佢仲會搞個「AR.Drone學院」,呢個係AR.Drone玩家社群,除咗玩一般片相Share之外,更可同其他玩家分享飛行資料(如高度、速度、時間、地理位置…),簡直係將遙控飛機帶進另一境界。

跟機會有雙機款加鋰電池,預計五月香港開售、$2,399,想快入手就要昅實反斗城同HMV喇!

 
網址
www.parrot.com