fbpx
主頁, 動漫資訊, 潮玩新聞 — 16/02/2013 at 5:45 pm

《九龍城寨II》送紀念雙面卡

by

好辛苦,但凡農曆新年第一個禮拜,我都覺得好辛苦,因為之前嗰個禮拜出晒賀年孖裝,搞到呢個禮拜無公仔書睇,更辛苦嘅係,我連港漫News都無得寫。

今日終於勉強有單News同大家分享,下期,即第七十期《九龍城寨II》(2月20日出版)會隨書奉送紀念雙面卡,免費嘢千其唔好蝕,如果你同我都一樣有鋪儲卡仔癮,買書嗰陣記得問書報攤攞。望過嗰幾張紀念卡,如果無記錯應該係舊畫,構圖都離唔開陳洛軍、信一、十二少、吉祥、AV、藍男幾個男女主角大頭,不過司徒劍橋手畫幾時都咁掂,擺落書裡面其中一兩格唔覺,獨立抽出嚟做卡就會覺得色彩特別豐富、線條更加鮮明。呢套卡,老劍迷必儲啦。