主頁, 動漫資訊, 潮玩新聞 — 23/01/2020 at 9:30 pm

《古惑仔》合併號$55 陳浩南半期做低戴軍堡咁快手?

by

自從牛佬宣佈完結後,《古惑仔》劇情去得火箭咁快,話晒老牌社團,但兩期唔夠洪興就搞掂和興和,蛇夫死咗都唔知自己衰乜;今期第2307加2308庚子孖寶合併號講到滅東英,梁小東熬底著草美國,堂堂東瀛虎戴軍堡仲弊,半期多少少就俾陳浩南拗斷頸陣亡,最尾嗰格交代到立花追殺雷霆,睇嚟呢隻狂雷虎下期都可以收工。心嗰句,去橋實在去得太快,角色死得實在太不明不白,作為死忠Fans幾乎對每個角色都有一定感情的我,有啲Bad feeling。急還急,還望牛佬可以撚盡十二成功力,讓所有要死嘅角色都死得有型啲、有頭有尾有啲。又,今期係合併號,兩期內容賣貴一倍合理,但$25開雙卻唔係賣$50,而係賣到$55,呢下好多讀者都覺得有少少太過。Anyway,下年都無機會再睇《古惑仔》合併號咯,我估好多讀者都唔介意畀多$5嘅。