主頁, 動漫資訊, 潮玩新聞 — 23/01/2020 at 8:45 pm

想吸納埋《古惑仔》讀者?瑞新回心轉意唔完結《火武耀揚》

by

今期第1057加1058期合併號《火武耀揚》,封面右上角有大大隻字寫住六個大字──「重大消息公布」,消息確實重大,事關瑞新回心轉意,宣佈取消完結《火武耀揚》。佢喺週記咁話:「想不到寓意深遠的覺醒一戰竟然第一個覺醒了作者瑞新,瑞新將會更努力編寫一個個好故事,回饋愛戴敝刊的你!然後用實際行動回饋所有真‧香港人。」覺醒覺醒,究竟瑞新覺醒啲乜呢?我咁估:係咪因為知道《古惑仔》就快完結,所以有所覺醒,諗住繼續寫《火武耀揚》可以吸納埋《古惑仔》讀者?Anyway,總算每個禮拜保住多一本港漫睇,對於我呢個死忠港迷漫嚟講,係極極極極極開心嘅。瑞新!支持你呀!