主頁, 動漫資訊, 潮玩新聞 — 06/01/2020 at 7:58 pm

瑞新《火武耀揚》撐黃色經濟圈 海潮望大清洗挽救香港

by

邱瑞新有幾關心時事,今期第1054期《火武耀揚》可見一斑。今期講道理哥義借600萬畀黑骨棠解困,席間道理哥話:「稍為有良知嘅人都可以睇到香港年青一代嘅智慧,係幾咁令人欣喜。」而地下正正寫住「光復香港,時代革命」八個大字,真心的,多謝瑞新企喺雞蛋一邊,睇公仔書睇到有少少感動,呢種同路人感覺,好Fine。之後,劇情繼續交代到黑骨棠連海潮開咗間「黃門冰室」都未知,瑞新透過海潮把口鼓勵黃色經濟圈:「同路人互相扶持,手足懲罰我,我賺到錢又回饋手足,係一個不斷循環嘅生活鏈。」Yes!生活鏈呀,抗爭都要生活架,黃色經濟圈終極目標就係咁,雖然我知好難維持,但希望大家畀心機撐落去,尤其唔敢衝嘅和理非,就更加要實際實課金以示支持。最後,海潮有段對白好精警:「俾班低學歷,無知識無智慧嘅人,倒轉頭管班聰明知識份子,香港點會唔大倒退!只有大清洗、大改革!香港先有未來!」講得啱,家陣班只懂毅進制嘅Green object打橫行,試問香港人點順氣?大清洗、大制裁,我等緊呢一日來臨。

第1054期《火武耀揚》。

 

海潮開咗間「黃門冰室」,支持手足。

 

道理哥認同光復香港,時代革命。

 

圍爐取暖,擺明撕裂分黃藍,你吹得我脹呀?

 

請同路人支持黃色經濟圈,實際課金Please。

 

海潮呢番話,相信講中唔少香港人心聲。