主頁, 潮玩新聞, 玩具資訊 — 11/12/2019 at 9:45 pm

撐唔撐?抗爭主題Boardgame《香港:2019夏》眾籌

by

呢半年香港人經歷咗啲乜,我諗玩一鋪Boardgame可以即時Replay。開宗明義,剛開始眾籌嘅《香港:2019夏》係「一隻關於香港呢幾個月發生嘅事嘅桌上遊戲」,點玩自己研究,我淨係知啲甚麼「批踭」、「撞」、「包紮」、「救手足」、「橫掃」、「插」、「法輪式洗腦辱罵」等紙牌;啲甚麼衝衝子、手傷手足、防暴警等造型棋子;啲甚麼吉野家、太子站、7仔、冇品360等店舖地標裝置,統統都令人好有共鳴。尤其令我印象深刻者,係一張名為「蒐證」嘅牌,抽中咗就等於「你完美捕捉到黑警濫暴一刻,抽兩張極醜惡罪證牌」,如果現實有得抽呢張牌就好咯。And,most importantly,有關方面話眾籌成功的話立刻生產,到時「賣出嘅款項扣除成本同開支,支援保護被捕人士嘅人權訴訟團體」,你撐唔撐?

資料來源:面書專頁「HK Summer 2019 the Board Game」