主頁, 動漫資訊, 潮玩新聞 — 26/09/2019 at 8:15 pm

《古惑仔》黑衫人有名你叫──光、復、香、港

by

《古惑仔》呢排煲緊老利Cheap精同小菁兩個角色,身邊朋友話橋段有啲懨悶,我又覺得幾好睇喎,漫畫世界加入現實情節,投入感大啲嘛,不過唔知點解,我硬係覺得小菁係奸嘅,似係臥底狗。今期第2273期《古惑仔》上手,先聞封面,但見南哥扯美國旗,精神一振呀喂;Then揭內頁,又留意到牛佬玩咗個小把戲,書中擺明過場用嘅四個示威者,角色名字叫亞光、亞復、亞香同亞港,加埋即係「光復香港」,OK,收到晒,very thank you。另,無睇錯的話,第17頁應該畫錯咗,第一格講Cheap精班黑衫示威者俾東英紅衫軍打到雞飛狗走,第二格俾人打到仆地嘅係落單紅衫軍,施襲攞棍狂藕者卻變成示威者,牛佬應該將兩者調轉咗嚟畫,他朝出珍藏本嗰陣記得改番佢。另,打緊呢條News嘅刻下,林奠落區開緊民間溝通大會,希望佢可以真心聆聽香港人訴求啦。