主頁, 動漫資訊, 潮玩新聞 — 24/08/2019 at 1:03 am

牛佬《古惑仔》赤裸裸植入 漫畫世界的五大訴求

by

我覺得,今期第2263期《古惑仔》絕對係港漫界震撼彈,封面畫洪興大佬輩們玩雷射筆固然擺明姿態站喺雞蛋一邊,連內文都將自6月起發展至今嘅逆權運動一五一十地套入漫畫世界,講方盛滿想喺香港另起爐灶戙起老利支旗,代價係幫毒蛇幫金尊貴抹黑抗爭者,派黑社會做鬼帶頭搞事,正正就係刻下社會實況。而最最最最最估唔到嘅係,牛佬居然將五大訴求直接寫晒出嚟,無添加無修改即係無避忌。呢條橋已經唔係甚麼影射隱喻明嘲暗諷,而係赤裸裸植入,如此大膽,真係估牛佬唔到,佩服了。另外,牛佬亦借方盛滿之口表達自己對林奠嘅看法:「但我認為,她可能是不服氣。你要我說,我偏不說,就是這麼小孩子而已。」如果真係的話,香港真係多得呢個「小孩子」唔少。As a conclusion,呢期《古惑仔》雖然全期文場,但我睇得好暗爽,多謝牛佬。