日本網民研發「糖份測試App」 熱捧上架等審批

by

越嚟越多人知道糖分對身體嘅禍害,日本有網民最近分享咗佢研發嘅一個手機APP,吸引好多人討論同RT。只要用個App掃描汽水上嘅barcode,就會顯示所含嘅糖嘅份量,例如佢用咗日本好多人鍾意飲嘅Mitsuya Cider做示範,一樽原來已經有13.8粒糖,係人體每日所需嘅229.2%,超晒標,之後個App仲會跌返13.8粒糖出嚟嚇吓人!段示範片有130萬人睇過,大家都話好想要呢個App。原來個App樓主已經開發咗一年,見大家反應好就決定公諸同好,而家等緊iPhone嘅App Store審批,相信好快就有得用嘞。

 

想即時睇到更多日本文化、ACG、網絡最新資訊,請即加入facebook!