主頁, 動漫資訊, 潮玩新聞 — 10/05/2019 at 9:30 am

《古惑仔》小改版出新專欄 印刷失誤旁白重疊咗?

by

今期第2233期《古惑仔》來了一個迷你改版,個人觀感唔差。一,無咗「角色武值榜」同期期都寫差唔多嘢嘅「古惑俱樂部」,取而代之係新專欄「淡看世情」,牛佬寫做人心態同生活瑣事,著墨處雲淡風輕,內容唔太Heavy,幾好睇。書一開頭嗰個「毒蛇幫主要人物架構圖」都正,可以當角色Revision,喚醒吓記憶都好,不過我認為皇太后丁瑤畫得後生咗,唔係畫得唔靚,但唔知點解硬係覺得格格不入,可能唔夠老虔婆Feel。讚完,都有嘢彈,估計係印刷失誤,第20頁同第25頁,旁白說明明顯重疊咗,公仔線條走咗位同甩色。牛佬,他朝出珍藏本,記得執番靚佢呀。