主頁, 專題熱話, 潮玩新聞 — 14/04/2019 at 1:22 pm

日本「紫菜梅飯團」纖維飲品 網民分享試後感

by

日本好興呢啲纖維飲品,啫喱狀好有益,不過將佢變成飯團嘅食物纖維飲料,就唔係人人都接受到。日本有網民鼓起勇氣買咗嚟試,仲喺Twitter分享咗試後感,引起好多網民討論。首先飲飯團呢件事佢覺得已經好瘋狂,不過樓主話個味道係好正確嘅,有飯味、紀州南高梅味、鏗魚味同海苔味,不過個腦會接受唔到自己飲緊呢堆嘢落肚,咀嚼啫喱時感覺好尷尬。有網民留言話可能呢啲就係未來世界嘅食物,亦有人話適合用嚟做懲罰遊戲,睇完有無啲想買?據聞「驚安の殿堂」有貨,買返嚟送俾朋友做手信啱晒。

 

想即時睇到更多日本文化、ACG、網絡最新資訊,請即加入facebook!