主頁, 動漫資訊, 潮玩新聞 — 05/03/2019 at 9:30 am

「!吧死給我」 《山海逆戰》對白倒轉寫?

by

唔知有無師兄同我一樣,揭到第118期《山海逆戰》第26頁,會睇到一頭霧水?事關第三格對白係「!吧死給我」、第四格對白係「!好物廢這你托付比總,年千上等再要怕那」。初頭仲以為植錯字,睇多兩睇先知原來係特登嘅,事關福龍要交代勾徹穿越空間缺口返番現實,所以呢兩格係倒鏡,順帶對白都要倒轉寫。對於呢種表達手法,話拍案叫絕太誇張,但好有新鮮感卻係不爭事實,加埋之後嗰幾格破碎頭盔重組、雙眼怒火縮番轉頭、蚩尤氣燄全消、勾徹手執兒送畀佢嘅徽章,一氣呵成電影感即時出晒嚟,我覺得要畀個讚。