主頁, 動漫資訊, 潮玩新聞 — 04/01/2019 at 10:30 am

牛佬《古惑仔》又抽水 估唔到十三妹投陳浩南一票

by

畢竟係三日刊,係有啲拖橋架嘞,但牛佬係好嘢嘅,喺適當時候抽水,再加一個估你唔到嘅三百六十度扭上扭上扭橋,成本公仔書即刻生猛番晒,追看性大大提高。今期第2197期《古惑仔》,我幾鍾意「洪興」白紙扇陳耀戙出嚟主持公道一幕,佢認為投票選老頂應該嚴肅處理,程序要均真,話:「最起碼,唔應該學似我哋特區選特首咁樣亂咁嚟,係咪咁講呀?」直頭係咁講喇,唔知「好打得」同一班高官睇完有無感想呢?又,最尾一格,十三妹居然調轉槍頭投陳浩南一票,激到韓賓死死吓,呢下真係估牛佬唔到,唔通十三妹、陳耀同陳浩南老早串通埋?為免被臥底浩然指證,夾硬扯韓賓下馬,由南哥一個人頂晒?