【新片速報】比卡超真人版3D電影預告 周身毛男人聲日本fans接受唔到?

by

之前報導過比卡超會製作真人版3D電影《Pokémon: Detective Pikachu》,籌備咗兩年,最近終於有第一條Trailer睇嘞!不過日本網民睇完就唔係太接受到。首先配音由《死侍》Ryan Reynolds擔任,比卡超唔再係Pika Pika好尖咁叫,而係變成一把男人聲,仲識講完整句子。另外最多人談論係比卡超變成一身都係毛,有人話好似「賤熊」同埋「小魔怪」,亦有人問比卡超通電嘅時候係咪啲毛會豎起晒?另外,周身毛嘅除咗比卡超之外,仲有プリン Purin,好彩奇異種子就無毛嘅,入嚟有片睇。今次比卡超真係好多表情,經常賣萌‥‥‥電影2019年5月9日推出。

由死侍配音,感覺係要啲時間習慣嘅。