主頁, 動漫資訊, 潮玩新聞 — 08/11/2018 at 9:00 am

App漫畫版《倚天屠龍記》 張無忌畫得太萌

by

金庸仙去,好想將佢十四部小說重新煲一次,弊在無時間。此時此刻,我選擇睇連載喺「騰訊動漫」app嘅漫畫版《倚天屠龍記》,好歹稍稍止住癮先。由鬼畜眼鏡兄編繪,一嚟就上演圍攻光明頂一幕,首先出場嘅居然係白眉鷹王殷天正,之後先出張無忌同武當七俠。好唔好睇?真心Mode係幾OK嘅,雖然唔係依原著小說順序發展,但分鏡同故事推進節奏都寫得唔錯。缺點方面,面相好好好好好相似,搞到各正邪角色有啲難認。同埋,啲男主角畫得太過萌,張無忌畫到直頭成條女咁,張翠山都畫得好娘娘腔,唔夠鐵錚錚漢子Feel。If,如果有埋繁體字版,我諗會更加好。