主頁, 動漫資訊, 潮玩新聞 — 31/01/2013 at 12:00 pm

新片速遞:香港漫畫家口述歷史

by

依家仲肯撐港漫嘅讀者,最後生都上三十歲年紀,香港漫畫曾經有幾煇煌,九十後一輩根本無從了解。想知的話,建議睇睇呢條短片,話唔定能勾起或重拾你睇港漫嘅興趣都未定。

呢條短片請咗三位好有份量嘅香港漫畫家做訪問,先有李惠珍講自己入行原因、解釋何謂「十三點」及其名作《十三點》如何成為六十年代潮流指標,開拓少女漫畫嘅先河。緊接有個樣一啲都唔似年過六十嘅上官小強話當年,講自己十六歲點樣入行學寫字學做景,又話自己係左撇子,憑努力加少少運氣創作出《壽星仔》。最後有鄺志德講解港漫如何由所謂的兩毫子公仔書,發展至八十年代百花齊放嘅光輝歲月,當中,原來飛髮舖係一個好好好關鍵嘅助力,呢個真係唔講我都唔知。總括嚟講,三位重量級漫畫家齊齊口述歷史,絕對值得捧場。 http://www.youtube.com/watch?v=JxdXJPtj86o