主頁, 動漫資訊, 潮玩新聞 — 25/10/2018 at 9:45 pm

《新著龍虎門》刀君臨似聖鬥士 凶心菩薩奇妙的右腳

by

今期第963期《新著龍虎門》四大教主之戰終於開打,臨兵鬥者皆陣列在前,各自Show吓強勁班底都好合理,又可以乘機出吓新角色,方便之後多幾場交打。But,造型方面呢就……騎呢咗啲囉,通天教兵部元帥刀君臨,個名講真係幾型,但一身盔甲著到成個聖鬥士咁,好唔知想點;仲有嗰個甚麼蚩尤心腹凶心菩薩,面相求其都算,至弊連肢體比例都畫到古古怪怪,第三頁第二格,明顯右腳同腰係唔銜接嘅,真係想學吳若希話齋:「點解嘅?點解嘅?」

元始門蚩尤心腹──凶心菩薩,隻右腳係咪畫到怪怪哋?

 

凶心菩薩面相好平凡,恐怕係又話幾勁幾勁,但打唔夠三兩期就收皮嗰類嘍囉。

通天教兵部元帥──刀君臨,畫到成個XX星座聖鬥士咁。

 

刀君臨個頭盔真係……唔知想點。

 

四大教主之戰,暫時牌面最削似乎係通天教教主鐵五郎。

 

火雲邪神實力應該高一班,好難輸。

 

蚩尤亦正亦邪,盤古天殛震應該至少夠同九陽神功打成平手。

 

唔知點解,硬係覺得白蓮聖上古古惑惑,收收埋埋有啲想特登打輸咁。