主頁, 專題熱話, 潮玩新聞 — 05/08/2018 at 11:38 am

狗狗自創超獨特「等門」方式企屋頂最高位置

狗主每日返屋企最開心嘅一刻，就係隻狗狗飛撲嚟迎接，不過外國呢位機師隻狗狗，6歲嘅
維茲拉犬Murray嘅接門方式就好特別，因為佢會企喺屋企最高嘅位置等主人返嚟。主人最先發現時好驚，好怕佢會跳落嚟或者跌親，於是封咗唔同嘅位置防止佢跳上屋頂，不過過咗幾日之後，隻狗狗就搵到其他位置跳上屋頂。既然佢咁堅持，主人亦決定唔阻佢，而家企喺屋頂等主人返屋企就成為咗佢嘅標記，佢仲會做大佬帶埋其他狗狗一齊上屋頂，霸氣！