fbpx
Android, 主頁, 手機/電腦 — 10/04/2012 at 2:00 pm

粉紅note 韓國加推

by

就個人而論,苦茶係反note嘅!係大芒睇得舒服,但實在太大部!放衫袋必陲住陲住……十萬個唔好理由都好,只要一個更強嘅理由──潮!就好多人用、好多人買,最近我見到好多女仔都用佢,而且韓國三星總壇嗰邊,仲喺本土加推粉紅版,相信會更多囡死喺佢手上!

呢隻粉紅,感覺稍稍浮誇兼偏紅,不過點都好,身為潮機,係要有呢種High Profile感覺先至討人歡心,睇公佈相片,同期仲有埋個粉紅底蓋/面皮推出,配埋支粉紅專用筆,完全係女性導向。

你話我大男人都好,都要講向題外話!唔明香港啲女仔,硬係鍾要將部note插喺牛仔褲後尾袋,須知坐底時唔記得拎,坐爆就梗啦!最離譜係……條老牛例必甚窄,苦茶企喺扶手電梯下風位,望住前面個女仔部note不斷「吱」出嚟,一程電梯要「吱」三幾次、按回三幾次,唔煩麼?不過望落望落,個八月十五咁圓,又真係佢都唔想嘅,加埋長頭髮、窄身Tee……不過最後我都放棄走前望樣嘅衝動,歷史教訓太多喇!