fbpx
主頁, 手提電腦, 硬件資訊, 電腦新聞 — 10/04/2012 at 11:48 am

ThinkCentre Tiny PC 細過外置HDD

by

日本Lenovo公布,推出公司旗下最細、甚至PC史上最細嘅桌上型電腦!佢嘅機身面板,相當於4個哥爾夫球Size!實際尺寸為179×182×34.5mm,形象啲講,細過一部Wii!差唔多相當一個外置HDD咁嘅尺寸!

呢部ThinkCentre M92p,嚟緊6月於日本推出,價格及詳細硬件規格完全未有進一步公布,不過暫知佢以USB 3.0做傳輸連接埠嘅基本!內置LAN及加條天線物體就可以玩埋無線LAN,不過最值得關注,都係佢話起用咗最新第三代Core處理器技術,佢仲寸到話粒CPU連型號代碼都未有!

就當場人仕測試指出,機身運作時靜如無聲,就算係行上3D遊戲,風扇聲都只係緊緊微微可聞,而且機身都只係發出微溫,絕對可睇出佢嘅作戰能力有幾強!

至於顯示方面,佢個Display Port只要配上專用分插,最高可以同時輸出4芒;外置配件同系列仲有一個外置式DVD碟盤,以USB作連接、並橫放於機面,感覺纖薄得嚟又配合到機身感覺!

 

一攞上手,完全感受到佢嘅「細」!

 

對落部Wii度,高咗半個頭,但細咗成截。

 

打開機身睇,設計簡單,但風扇唔多(只見CPU風扇),可見第3代Core技術喺控制溫度方面技術幾高。

 

後面Port位一眼望晒,玩Wireless就要插線。

 

呢個外置1開2輸出好重要,配兩個就可以同步4畫面出。

 

連個機座都同Wii差唔多。

 

加多個DVD碟機,機身都係厚少少,最重要係行USB 3.0,燒碟一定爽到無朋友。