主頁, 潮玩新聞 — 19/01/2013 at 3:34 pm

日本麥當勞 逢周一免費早餐 全日供應夜鬼嘆薯餅

by

嘩你睇,間麥當勞個頂有個巨型豬柳蛋漢堡升上嚟呀!有冇咁著數?有,不過唔係無限期供應。首先,要講心情最差,無論打工返學都肯定係星期一,仲要返多5日先有假放喎!日本麥當勞繼60秒送餐活動後,就好體諒大家呢個Monday Blue心情,喺1月21日至2月4日3個星期一,逢朝早6點至9點送唔同早餐俾你,第一個星期係豬柳蛋漢堡,第二個星期就細咖啡,最後就炸薯餅。講開薯炸,我諗你都試過11點後先起身食唔到薯餅嗰吓飲恨感覺,新宿明治通店就會喺1月17日至20日期間舉行24小時「朝マック」活動,全日都有早餐食,夜鬼都可以食薯餅,爸喇爸巴巴。