主頁, 潮玩新聞 — 08/01/2013 at 11:26 am

日本網民怒插 麥記60秒送餐o徒氣

by

啱啱嗰個星期日晚7點,我諗住叫賣廣告賣得好恒、又唔知咩半個鐘內送到嘅24小時麥麥送。打咗兩次飛去留言叫我留名留電話,留咗等多15分鐘,冇反應,再打,今次勁,打兩次打得通!當我叫晒嘢之後,佢就話半個鐘內送到,遲咗有蘋果批送,我好開心,因為我知道自己安坐家中等半粒鐘就有麥記食。點知5分鐘後,有個分店阿姐類物體打嚟:「先生,麥當勞呀,要遲啲送嚟喎!」遲幾多?「個半鐘!」嗰吓唔爆粗,我都覺得自己好有風度,我堅唔明,唔使整o架喎!好喇,最嬲都唔係呢樣,咁我死死地氣自己落去買啦,落到去腳程10分鐘嘅分店,頂你吖!完全冇人排隊買嘢!呻完,其實完全唔關呢篇報導事,呢篇報導係講之前日本搞嗰「Enjoy! 60 Second Service」,即係60秒內上餐,唔係就請你食巨無霸嘅活動,係就係做到60秒,但就惹嚟大量網民網上分享佢哋得到嘅包,有啲椰菜未切好,有啲嚿肉一忽忽,有啲直情冇餡……活動搞到今個月31日,每逢11am-2pm就有,去開旅行挑戰下囉。

 

回帶舊報導

新片速報 日本麥記60秒上菜活動 請你食包