主頁, 潮玩新聞 — 01/01/2013 at 6:00 pm

女僕入侵麥當勞!台灣分店期間限定 主人請點餐!

by

香港麥記嘅活動,搞嚟搞去又大富翁又盛,我最叻中過個麥芝蛋,有朋友中過杯細橙汁,咩名車咩簽賬額,有咁好彩都冇咁多位生暗瘡。都係台灣搞嘅活動有意義!呢間係台灣鼎山家樂福麥當勞餐廳,佢哋喺12月31日搞咗個可愛女僕點餐活動,而且每個女僕都揸住自己個名影咗張相,仲會同你跨年倒數!引你去叫個8號餐……雖然質素就唔係話好突出,但我覺得有誠意,香港麥記,請認真考慮,不過啲男店員點?啲嬸嬸又點算?