免費手機新Game：超考智慧蠢人咪玩

我有個減咗一百磅肥膏嘅Best friend，我懷疑佢腦筋隨住磅數一併減退，邊有人鬥地主揸啤Dee啤三，下家得兩隻都出啤三俾人結牌咁笨架？真係堪稱聰明絕頂，不過係頂佢個肺個「頂」。

為訓練Best friend腦筋，我決定推介佢玩「Roll and Eat」，因為呢個遊戲好考智慧。遊戲主角係啡色馬騮仔同黑白色熊仔，你要諗計幫佢哋搵食物，方法係掃走障礙物或者利用工具，同時計算地心吸力同路線傾斜度，擬定準確移動路線去到食物所在地。障礙物有三角形木箱、圓形木塊同鋼柱，工具有超重鉛球等等。記住，三角形木箱、圓形木塊一碎就無，鉛球一跌落平地就唔識滾動，點樣先可以過關？慢慢試啦。我立下重誓，如果Best friend玩唔掂呢個遊戲，我一世都唔會再同佢玩鬥地主，同蠢人玩遊戲好無癮架嘛，浪費我生命就無謂啦，係唔係咁講先？

iPhone下載：https://itunes.apple.com/hk/app/roll-and-eat/id563831415?l=zh&mt=8&ls=1