主頁, 動漫資訊, 潮玩新聞 — 19/12/2012 at 2:00 pm

福龍送禮,水晶簽名板任攞!

by
鐵縱橫水晶簽名板,我想要呀。

聽清楚呀,係送呀,無條件贈送個送呀,唔係屈你買乜乜貴價特別版漫畫再剪低物物印花兼加幾多幾多錢先可以換領呀,「贈送」同「換領」係絕對兩回事呀。

今次福龍又送乜呢?鐵縱橫水晶簽名板Dark Version是也,幅畫係個低首無言扁扁嘴嘅鐵縱橫,藍色主調色,成個Feel好憂鬱,直頭Chok過林峯嗰隻。無記錯的話,印象中呢幅係以前出過嘅舊畫,不過今次用全新嘅夾層式鑲嵌技術砲製,望落更加有層次感,感覺更加Grand。點攞?只要購買今期第四十三期《鐵將縱橫》,玩番個「麒麟寶藏大迷宮」遊戲,寄番去Dark Comics & Toys Ltd,就有機會得到呢塊咁靚嘅水晶簽名板,名額15人,唔使急,截址日期12月31日,今次玩抽獎,唔玩先到先得,機會人人均等。

《鐵將縱橫》第四十三期$15