fbpx
Mobile games, 主頁, 手機/電腦 — 18/12/2012 at 12:00 pm

免費手機新Game:聖誕殺牠死

by

你睇吓啲蟑螂幾乞人憎‧仲唔人手捽死佢?

臨近聖誕節,梗要搵番啲聖誕主題Game畀大家,推介「聖誕節吸血鬼目標」,顏色鮮艷,畫面紅紅綠綠,用埋聖誕歌做背景音樂,好鬼萬世歡騰Feel,應節啱玩。

換湯不換藥,都係之前出過嘅一類殺蛇蟲鼠蟻Game,今次轉過個畫面,聖誕味重啲咁解。同樣,都係諗極都唔知點解,大家都係人見人憎嘅蛇蟲鼠蟻,唔通蠍子條命真係矜貴啲咩?記住,蠍子唔殺得,一殺蠍子死時你亦死,其他如蟑螂、毛毛蟲、蚊仔、烏蠅、蛛蜘,就唔該見一隻殺一隻,五個生命值,扣晒即死。又同樣,遊戲會Offer「冰粒」同「炸彈」兩個必殺技,冰粒一出,蛇蟲鼠蟻即時冰封,任你殺牠死;炸彈一出,一次過炸幾隻蛇蟲鼠蟻,不過小心誤中副車,同時炸死埋蠍子呀。

iPhone下載:https://itunes.apple.com/hk/app/sheng-dan-jie-xi-xue-gui-mu-biao/id575660213?l=zh&mt=8&ls=1

冰粒一出,蛇蟲鼠蟻即時冰封,任你宰割。

好鬼死鍾意呢個Opening畫面,隻殭屍仔幾Cute?