主頁, 專題熱話, 遊戲新聞 — 21/05/2017 at 1:22 pm

【任記超體貼】日本失明小機迷想要《節奏天國》新作 任天堂用凸字回信

by

任天堂點解咁多fans?可能你會喺佢嘅主機同遊戲設計中見到佢嘅人性化,但今次呢件事更勁,更睇到佢哋嘅人情味,如果你係任記fans,你會覺得不枉我支持咗佢咁耐!話說有一位爸爸喺Twitter出咗個post,就係話佢個囝囝寄咗信俾任天堂,之後得到回信。當然唔係咁簡單,首先,佢囝囝名叫酒井響希,佢喺歲半時不幸患上視網膜母細胞瘤,喺兩歲時因為醫治保命而變成完全失明,不過佢仲好鍾意打機,當中任天堂嘅《節奏天國(リズム天国)》就係佢最愛,亦都係唯一一個遊戲系列佢可以完全破關嘅,佢仲喺呢個系列中所有小遊戲都得到滿分。最近佢就寫咗信俾任天堂……

 

信入面講嘅嘢,大概就係佢係失明嘅,但同其他小朋友一樣鍾意打機,但唔係好多遊戲佢玩到,《節奏天國》就係一隻佢真係玩得到而且玩得叻嘅遊戲,佢仲可以同其他人一齊玩,而且從來未輸過。佢無論喺Game Boy Advance、NDS、Wii或者3DS版本中,所有遊戲都係攞到滿分。所以佢希望系列可以有更多新作推出,而且最好個難度可以高啲!之後佢再話佢諗好多有視力障礙嘅小朋友都同其他人一樣想打機,所以希望任天堂可以出多啲人人都可以玩嘅遊戲!最後佢話會永遠支持任天堂。

8日之後,佢得到回信喇,你以為係官腔幾隻字回吓佢?唔係呀!任天堂體貼到用凸字嘅信回覆呢位小朋友!等佢可以自己讀封信,另外就再有一封係字嚟嘅,嗰封就係俾佢父母睇。內容就係話佢哋好開心聽到佢玩爆晒遊戲系列,佢哋已經將封信傳咗去開發部門,佢哋會繼續製作多啲任何人都可以玩嘅遊戲!

最後提多提,呢位小朋友都勁嘅,除咗鍾意打機,仲好鍾意打鼓,睇佢表演《你的名字》首〈前前前世〉!

DADF-JSVwAAMAsm DADF9PpUwAAEJ2MDADF_MvVYAAgWZL DADF_8PU0AAuwbR

 

 

打鼓都係佢強項

隻遊戲

 

 

想即時睇到更多日本文化、ACG、網絡最新資訊,請即加入facebook!
https://www.facebook.com/GameoverHK