漫畫精品成日俾人詬病話唔夠精、出得濫、明屈水，我咁睇啦，精唔精就好見仁見智，濫唔濫就要睇吓係邊個漫畫家出品，屈唔屈水呢個問題仲無厘頭，商業社會有Demand就有Supply，手頭鬆動咪買囉，水緊咪得個恨字囉，無話屈唔屈架。
好，算真係屈水，福龍出嘅漫畫精品點都屈得你服啲嘞啩？淨係「邱福龍」個朵都夠響夠獎夠抵撐啦。趁聖誕，福龍推出四款「熱血聖誕晶彩珍藏紀念品」，又睇吓啱唔啱你心水？精品見街當日，我第一時間仆落信和「收藏家港漫專區」一睹成品真貌，唔係吹水，真係靚到啪啪聲，看舖超Nice姐姐Joyce話：「有買趁手，好快就俾Fans訂晒架喇，D款精品賣剩一套咋，講明限量，唔會翻製架。」係福龍Fans的話，快啲撥個輪落去預訂啦。
A款：「豪雄決戰藏王宮」畫板，24 x 27cm雙面精印，正面炫彩完成圖，背面鋼筆正稿圖，有獨立編號，限量150塊，連一專刊賣$108。
B款：「刀劍爭雄雙王會」畫板，24 x 27cm雙面精印，正面炫彩完成圖，背面鋼筆正稿圖，有獨立編號，限量150塊，送一專刊賣$108。
C款：「麒麟至尊生死鬥」情景畫板二合一大禮套裝，包24 x 27cm雙面精印水晶畫板一塊(正背面皆為炫彩完成圖)及靛藍麒麟寶圖底座一個，二合一即成情景擺設，限量60套，送一專刊賣$300。
D款：一次過買齊A、B及C三款，可加$300換購D款「麒麟至尊生死鬥」情景畫板二合一華貴套裝，包24 x 27cm彩透精印水晶畫板一塊及黃金麒麟寶圖底座一個，二合一即成情景擺設，限量20套，收風只賣剩一套。
收藏家港漫專區(2171 4168)
地址：旺角信和中心8樓801室
註：以上精品不包手辦公仔