fbpx
主頁, 潮玩新聞, 玩具資訊 — 12/12/2012 at 7:53 pm

$528勁缺貨 兩週後新貨捱炒$600幾

by

 

MG卡版Nu Gundam終於到0左,不過貨量真係唔多,旺角開初鬥價做到$528,深水(土步)最後做過$575;不過講乜都無用,因為行派出街貨唔多,搞到好多舖都叫救命,明知多人買,但行0個邊唔俾加單,所以大家如果撞見有貨,就要快入手喇!據稱,好多舖都0係傍晚時份開始沽清,仲想睇定0的?你當自己唔想買算喇!

又聽到小道消息!隻「卡Nu」最快都要兩個星期後,先會再有新貨返,到時價位應該會谷上六百幾,無計啦!隻0野出得幾正,又係聖誕檔旺季,呢一棍係要受0架喇!

同好多模型舖人傾過,佢0地都覺得代理0個邊,有少少Hold貨之嫌!不過無得燢0既,人0地Hold隻AGE,你會唔會炒蝦拆蟹先!?再講0丫,人0地都紮0左成年棍!難得終於威返次……話時話,你一係威多幾次,唔好叫我次次落舖,都好似無0野買咁啦唔該!

 

唔知點解, 拎起個盒時, 硬係覺得比平時0的模型陲手, 你有無咁0既手感?

 

個盒同RG Z唔係差好遠0者, 真係麒麟怪怪!

 

係我唔好! 影到咁差, 張金屬貼應該係銀色!

 

個座都係咁0既死樣! 我諗要加塊透明膠做底, 下面再放LED燈先有睇頭!