「Mad Butcher」，即係變態屠夫，呢個變態屠夫唔係人，係個疑似蒼蠅嘅外星人，兩隻突出嚟嘅巨大眼睛紅彤彤，滿佈微絲血管，口器伸出一條開叉舌頭，造型非常嚇人，整個構圖畫面，非常重楳圖一雄Feel。
邊個係楳圖一雄？佢係日本著名驚慄漫畫大師，畫嘅公仔要幾核突有幾核突，名作有《飄流教室》、《14歲》同《神之左手，惡魔之右手》等等，個人認為，「Mad Butcher」畫風就勁有佢影子，除阿變態屠夫畫到人唔似人鬼唔似人外，連畜牲雞牛豬都畫得都好詭異吓，加埋被宰時發出嘅慘號聲同久唔久閃出嚟嘅人頭，成個Game畀到人一種幾不寒而慄嘅感覺，一句到尾Cult到爆嗰隻。講番玩法，鬥快殺五十隻畜牲，雞豬牛排隊引頸就戮，見雞，你要由左向右劃一下；見牛，由右向左劃一下；見豬，由上至下劃一下。唔使多，劃一下畜牲即死，途中唔可以劃錯方向，錯一次即刻game over，又睇吓你須要幾多時間先殺得晒五十隻畜牲？
iPhone下載：https://itunes.apple.com/hk/app/mad-butcher/id574655790?l=zh&mt=8&ls=1
