fbpx
Mobile games, 主頁, 手機/電腦 — 11/12/2012 at 12:00 pm

免費手機新Game:當聖誕老人CY咁打

by

一槌又一槌,舂到聖誕老人爆晒缸。

好想問遊戲製造商,聖誕老人究竟有乜地方踩親你條尾?要「Kill Santa!」咁大鑊?明嘞,因為香港人充滿戾氣,要搵人發洩,既然最想打嘅特首打唔到,咁聖誕老人你注定唔好彩啦。

下載「Kill Santa!」嗰陣,我正翹起二郎腿睇緊電視直播特首答問大會,欣賞緊我們偉大特首如何賴皮,如何死唔認錯,如何大話接大話,睇完成個答問大會,我好懷疑特首塊面已經練成金鐘罩十二大關,成呎厚針拮唔入,所以先可以咁厚顏無恥!唔使問,如果有個Game叫「Kill CY!」,我諗全香港人都會下載,透過手機舂番佢一百幾十下槌,以洩心頭之憤。

講番個Game,阿聖誕老人一出場已經呆呆滯滯,四白眼一對無神無氣,掛住一雙黑眼袋十晚無訓咁款,連戴頂帽都歪嚟歪斜。好,唔講咁多,濫用私刑時間到,廿秒時間內,可以盡你所能痛毆佢,打到佢口腫面腫、牙關帶血、甩頭甩髻,絕對唔使留手。打啦,我都出盡全力打,打到手指都軟埋,總算打到287個Hits,如果呢個係CY,我諗我會更加落力打添呀。

iPhone下載:https://itunes.apple.com/hk/app/kill-santa!/id578628419?l=zh&mt=8&ls=1

操盡,廿秒內我只打到287槌。