主頁, 動漫資訊 — 07/12/2012 at 6:22 pm

完全版《群俠傳》卷廿三:最終贏家蘇夢枕

by

完全版《群俠傳》卷廿三$48

完全版《群俠傳》去到卷廿三正式完結,有丁點兒捨不得,司徒劍橋雕龍雕鳳o既出色畫功、色彩斑斕o既畫面固然應記一功,編劇功力亦係成功關鍵所在,每個角色人物都有血有肉,要我評,我會畀一百零一分。結局都幾出人意表o下,白愁飛縱有一顆想飛的心,但最終都飛不起,慘被群雄圍攻至死。佢o既死,絕對係意料之內,係估唔到居然死o係金風細雨樓樓主蘇夢枕手上,蘇夢枕正宗冷手執個熱煎堆,成場淨係識得咳,Last出一下紅袖刀就殲滅白愁飛,當天下群雄傷亡泰半之際,佢就獲皇帝冊封為武林盟主,(手羅)正版統領黑白兩道,一統江湖。你話佢奸咩?唔係,忠咩?都唔係,亦正亦邪,非忠非奸,耍手懂,走偏鋒,落注夠狠,方為成功之道。

呢套漫畫,如無意外會好好擺埋o係書櫃,無三五七年都唔會拎番出o黎睇,趁依家仲拎緊o係手,本書仲熱,不妨講講我最愛o既十個人物角色──

1.關七:敢愛敢恨,皇后唔鍾意佢,照死纏難打,皇后叫佢散功,佢就散功,臨死一番話:「情愛,我嚐過了;江湖,我走過了;名頭,我闖出了;宿敵,我戰勝了,人生到此,算是無憾矣,惟一捨不得,就是這個小子,小石頭,如果有來生,我定要跟你──再做兄弟。」一個字講晒──型。

2.王小石:最懵懂,一生為情義所困,相思挽留刀劍大成,卻彌補不了優柔寡斷o既性格缺憾,連自己鍾意o既女人都唔敢溝,失敗。

3.白愁飛:不甘過平凡一生,絕招「三指彈天」輸畀「破體無形劍氣」,只差一步就登上人生顛峰,以為玩弄群雄於指掌,最後死於蘇夢枕之手。

4.李沉舟:莽夫一個,卻重情重義,明知不敵都要找關七晦氣,悲劇人物,至死都唔知柳五無背叛佢,唔知真正殺趙師容o既兇手係白愁飛。

5.柳五:有少少精神分裂,鍾意趙師容,又唔好意思同大佬爭女,以為自己好聰明,諗住扮背叛激起李沉舟戰意,「風流玩意」最終玩死自己。

6.趙師容:絕色美人,呢個權力幫第二當家,對丈夫一心一意,因為索,竟招來橫禍,柳五因為佢背叛李沉舟,後白愁飛因愛不遂,將之擊殺。

7.燕狂徒:寂寞高手收關七為徒,希望透過關七挑起義子李沉舟戰意,畢生最大願望,引證「翻天三十六路‧奇」同「破體無形劍氣」誰強誰弱。

8.蕭秋水:江湖正道,匡扶皇室,憑「忘情天書」返老還童,武藝大成卻換來與畢生至愛分離大半生o既悲慘結局,最後散功,歸隱田園。

9.狄飛驚:一心做老二,明明有取代老一雷損o既實力,亦堅拒反叛,一生忠於六分半堂,花朵「低首神龍」,絕招「大棄子擒拿手」。

10.戚少商:連雲寨寨主,同人講義氣,點知人家就義氣當兒戲,俾蘇夢枕過一戙失去一臂,連暗戀自己o既小苦女都保護唔到,蠢。