fbpx
Mobile games, 主頁, 手機/電腦 — 05/12/2012 at 12:00 pm

免費手機新Game:聖誕大開殺戒

by

蟑螂像真度好高,好核突。

月黑風高聖誕夜,蛇蟲鼠蟻有難喇,我決定變身黑旋風忍者,為民除害,唔使用劍o架,用一隻手指就得o架喇。
講緊o既係「Christmas Scary Spider Racing」呢隻有趣Game,玩法超簡單,除蠍子之外,螞蟻、蟑螂、烏蠅、草蚊、蜘蛛統統都要殺之而後快,見一隻掐死一隻,篤到佢o地變肉醬,「顏」到佢o地變屎餅,捽到佢o地腸都飛埋出o黎,你都咪話唔過癮。難唔難玩?一般啦,遊戲設定都幾古惑,蛇蟲鼠蟻會經常性依住同一規律而出,你諗住佢o地行開直線就行直線,點知一個變陣玩鳥獸散,隨時搞到你措手不及,又或霎時間湧出十隻八隻,殺漏一半隻又Game over。同時,蛇蟲鼠蟻都有大佬同嘍囉之分,細隻o既,一下即死,大大隻o既蟑螂,要篤五下先爆肚而亡。唔係吹水,玩完,分分鐘手指僵直,人中出汗,都OK過癮o架。

iPhone下載:https://itunes.apple.com/hk/app/christmas-scary-spider-racing/id572863305?l=zh&mt=8&ls=1

蠍子唔殺得,右邊有工具列,可以冰封所有蛇蟲鼠蟻,又可以放炸彈爆到佢o地一鑊熟。