主頁, 動漫資訊, 潮玩新聞 — 07/11/2016 at 8:35 pm

非常突然!《火紅年代黑骨棠》完結So Sad!

by

Image-1 (1)

事忙,上周四出版嘅《火紅年代黑骨棠》,我剛剛先有時間睇,習慣先睇「瑞新週記」先嘅,睇完,好無心機睇內文,因為瑞新掉低咗幾句說話:「緣份有聚有散!瑞新響度向大家正式宣佈:下期《火紅年代》係最終回!即係故事暫完停刊!緣來緣去,自有天意!希望下期《火紅年代》嘅圓滿結局篇,可以與你共同渡過,成為瑞新同你嘅珍貴回憶之一!多謝!」呢下真係非常突然,好好哋點解要停刊?

真心,So sad!近十期八期《火紅年代黑骨棠》明明公仔質素好咗,劇情緊湊咗,點解無端端摺書?真係咁唔賣得?斷估撐得瑞新嘅讀者都係港漫死忠,撐開必撐,有得撐實撐,應該唔會銷量忽然下跌啩?真係好想兜口兜面問問瑞新真正原因。無幾耐前先至透露過話打算出《火武耀揚》珍藏本,舊嘅都未見街,賣得好好哋嘅書就摺?希望喇,我知都係窄,我知都係純屬妄想,我妄想舊嘅唔去新嘅唔嚟,真心妄想瑞新可以出過另一本書。無公仔書睇,好辛苦架大佬。

1

2