fbpx
主頁, 動漫資訊, 潮玩新聞 — 28/11/2012 at 12:00 pm

「OceanComics」app廣告串錯字?

by

O!Card,可以寫字,幾過癮。

最新消息,海洋二號出App,想透過手機回顧《海虎無限》,喺App Store下載「OceanComics」就有漫畫睇,三個字──妥Q晒!

呢個世界無免費午餐,頭一至四回《海虎無限》Free畀你睇,想睇埋落去就唔該畀錢,每四回$28,上網睇舊漫畫,仲要畀錢,抵唔抵就見仁見智嘞,如果你係肥良死忠Fans,撐吓佢場都無妨嘅。除漫畫之外,呢個App仲免費提供「O!Frame」同「O!Card」,前者係個影相框框,影番張相做手機桌布都唔錯,叫做懶得意有啲嘢玩咁啦;後者過癮啲,可以喺Card上面寫字,不過只限英文,美中不足咗啲囉,可以寫埋中文就更加好。

O!Frame,可以影番張相做Wallpaper。

篤篤吓就有漫畫睇,好鬼方便。

搞鬼嘅係,喺剛出版嘅《鬼王天弓傳》最尾一頁,有個全版幫「OceanComics」app賣廣告,卻不幸地出現串錯字情況,將「Available」串錯成「Avalibale」、將「iPhone」串錯成「iPone」。講真,我係電腦同手機盲,初頭都有懷疑係唔係自己孤陋寡聞,唔知呢個世界真係有「iPone」呢種東西,但上網查過又無吖,究竟「iPone」係乜東東呢?呢次真係願聞其詳嘞。

《鬼王天弓傳》最尾一頁,幫呢個App賣廣告。

無吹水,真係串錯字架。