fbpx
主頁, 動漫資訊, 潮玩新聞 — 27/11/2012 at 4:00 pm

掌聲鼓勵〈古惑精神科〉

by

 

1560期《古惑仔》$15

不下一次講過我係牛佬超級Fans,有人話《古惑仔》每周出兩期,好屈水,都係嗰句啦,鍾意睇的話,每日出一期你都會買,唔鍾意睇的話,送埋畀你都唔睇。

無疑牛佬係有拖橋,但講真除咗福龍《鐵將縱橫》之外,香港邊一本漫畫唔拖橋?除內文有追看性之外,我覺得逢周一嗰期《古惑仔》嘅專欄「助理Happy hour」都非常精采,所有助理要為每期主題寫三幾十字嘅同時,亦各有自己地盤要兼顧。佢哋寫嘅每一粒字,我都咪晒,今期1560期由助理跑山沖負責嘅〈古惑精神科〉好正,正在講出每個香港人心聲,李嘉誠發財唔立品,都算,仲要講風涼話呢下先至係仆街之中嘅仆街。忍唔住,要原文筆錄同大家分享──

根據瑪雅預言,世界仲有唔夠一個月就到末日勒,就喺呢個人心惶惶嘅時候,誠哥以超人嘅身份發表咗呢番言論:「世界上千千萬萬的人,今天依然活在悲慘、孤寂、貧病的絕望之谷,承擔社會的責任,是不是我們的義務?人最大的悲哀是無聊,患上漠不關心的冷淡症。我們不一定是拯救世界的英雄,但我們謹守正知、正行、正念,應該可以高聲回應社會:我們一生不曾不仁不仁,不善不正。」我肯定誠哥無患上冷淡症,佢應該患咗認知障礙症,今日香港貧富懸殊全球排行第一,誠哥已經唔記得佢係功勞最大嗰個,亦唔記得講過堆填區鳥語花香,心曠神怡。正知、正行、正念,正仆街!

翻查資料,李嘉誠呢番風涼話,係出席中國北京長江商學院成立十周年慶典嗰陣講嘅,如果我同跑山沖喺現場,我估我哋會即時除鞋掟呢個仆街囉。

跑山沖,我畀個Like你!