fbpx

《亞特蘭提斯Online》 黃德斌帶住公主抗末日

by

之前都報導過,中華網龍請嚟大隻肌肉男黃德斌同台灣model、有小安心雅之稱嘅小海Umi影《亞特蘭提斯Online》宣傳照,大斌哥仲做埋香港區代言人,睇佢兩嚿胸肌,就知係大製作!佢今次拍宣傳照嘅造型就係末日騎士,小海就做「亞特蘭提斯」公主,齊齊戰鬥!遊戲由Gameone代理營運,中華網龍研發,12月7日就推出,可似煲住過12月21日,有大隻斌幫拖,唔怕世界末日啦!仲可以煲埋聖誕新年假,啱晒數!

打機喺虛擬世界,梗係要有咁浩瀚得浩瀚,有咁史詩式得史詩式啦!《亞特蘭提斯》故事描述「亞特蘭提斯」帝國興盛繁榮數千年,直到一場末日瘟疫肆虐,令帝國災劫浪接浪。玩家喺遊戲入面會率先經歷世界未日,當文明能壓碎情懷不衰時,就要拯救皇宮中嗰班貴族孤雛,協助「亞特蘭提斯」皇族重建新亞特蘭提斯帝國,恢復往日繁榮文明。

至於玩法就係結合社群、冒險MMORPG同埋戰略經營等多元型態,具備MMORPG遊戲嘅豐富關卡劇情任務,仲有「大師」經營模擬系統,玩家可以選擇豐富嘅生活技能,好似成為耕種大師、工藝大師、工匠等多達30種以上嘅職業養成,耐玩度超高!最後唔少得就係仲有強勁嘅社群功能,可以搵齊兄弟朋友齊齊闖關做戰友,喺亞特蘭提斯帝國打天下!打打吓,話唔埋隨時撞正大隻斌,同佢喺遊戲入面決高下!

拍攝花絮,我諗黃德斌佢培養緊情緒,加上佢咁大隻,我唔敢騷擾佢。

台灣美眉小海Umi,呢個公主,救得過!

 

回帶:有相有片《亞特蘭提斯》台灣靚女Umi 造型照直擊

有相有片《亞特蘭提斯》台灣靚女Umi 造型照直擊

 

 

《亞特蘭提斯Online》官網:http://at.gameone.com

《亞特蘭提斯》Facebook專頁: http://www.facebook.com/Atlantis.Online.hk