拜亞蘭終於出咗,HG嚟講分件唔錯,而且個整體造形唔錯,希望大家撐撐,「笨大」好少肯出呢啲冷門騎呢蘇,而且話晒2,600日圓0架,0依家$198,唔買就笨喇喂!
Tiger & Bunny亦出咗HG「細盒版」,Sorry!係劇場版模型先啱!唔似「大盒MG版」,今次無得玩換大手大腳,亦無得玩裂甲,不過一Set兩盒特價$270,齋啪放公司枱面,細細隻、老細無詐型!
福利新返咗批日本手拎貨,其他地方好難搵,好似隻nanoblock初號機頭像,頂!仲可暴走開、合口0架;我哋網站高層最鍾意嘅Mark.06同異形都返咗筷子,係筷子呀!可以用嚟食薯片雪糕嘅最強利器!價錢$150左右,難得在周圍少見嘛!
造形村亦有架《我的女神》震電返咗,我知!之前係有架軍用版出過,但今次係玩痛機款喎,張水紙街外一定搵唔到囉!而且跟飛機仲有兩隻主角公仔,我知一般人唔會油,但玩開軍事嘢嘅,呢方面一定有一手!
另外!仲有一則公告,RG Z-GUNDAM應該喺23-25見街,即係呢幾日嘅事,價錢未知,總知大家勤啲巡舖啦!
福利模型 地址:深水埗元洲街66A地下 營業時間:11:00-19:30(一 – 三)、11:00-21:00(四 – 五)、11:00-19:30(六 – 日) 電話:2386 0233