fbpx
主頁, 潮玩新聞 — 12/07/2016 at 5:35 pm

PS動漫節活動 孫慧雪出書前玩《GT》

by

7月29日舉行嘅動漫電玩節,都係有PlayStation攤位啦,今年嘅重點就係PS VR喇,日本、歐美等地都係10月發售,我諗香港都唔會遲啩?等佢正式公佈啦。好喇,先報一報,其實主要出圖,就係孫慧雪同許珮榆出席活動玩《GT Sport》嘅相,轉頭有動漫節詳細資訊加其他Show Girls。

孫慧雪(下)及許珮榆(上)試玩即將推出的PS4遊戲GT SPORT_孫慧雪(左)及許珮榆(右)出席PlayStation動漫節活動孫慧雪(右一)、許珮榆(右二)及PS Game Girl為動漫節揭開序幕_二人即場用鐵鍊砌出GT字樣二人以豐富表情介紹動漫節焦點遊戲

官方資訊

孫慧雪、許珮榆出席「[email protected]動漫節 – 揭幕禮」
性感賽車女郎造型 介紹動漫節最強焦點
【香港‧2016年7月12日】PlayStation®今年第三度參加「香港電玩動漫節2016」,為隆重其事,是日於D2 Place舉行「[email protected]動漫節 – 揭幕禮」,公佈動漫節一系列焦點遊戲及優惠。活動邀請了近日人氣急升,即將於書展推出寫真集《Once》的孫慧雪(Snow)及剛入選ViuTV首個實況選美節目《美選D.n.A》的參賽者許珮榆(Diva) 出席。二人以一身PS4®賽車遊戲《GT SPORT》性感賽車女郎造型出席,期間以豐富表情演繹動漫節焦點遊戲,並鬥快上螺絲,用鐵鍊砌出GT字樣,最後二人即席於模擬駕駛艙試玩《GT SPORT》賽車,成績不相伯仲,難分勝負。

活動後阿雪接受訪問,已有車牌的她試玩賽車遊戲時表現失準,她笑指:「我唔可以一心二用架,頭先掛住望鏡頭影相所以就不停撞車。我本身有車牌,揸車都好小心嘅。」表剛過去的阿雪正日與朋友唱通宵K渡過。阿雪表示:「今年收到好多唔同類型嘅禮物,有fans好有心思摺咗樽幸運星俾我,仲有好多人送食物俾我。」剛舉行寫真簽名會的她表示寫真反應甚好,預計會加印。「好多人發訊息俾我話買唔到,所以預計都會再加印。另外上星期簽名會名額有限,所以計劃下星期會再搞簽名會。今次本寫真啲相無乜點執過,我想執瘦啲,不過攝影師司徒夾帶話會好假,話我sell肥肥哋好啲喎!」

活動另一女主角Diva是日性感打扮出席,賽車時表現較淡定,被問及近日傳聞,她表示:「2013年推出寫真集之後轉咗行做保險,不過發現自己好鍾意做娛樂圈,所以參加今次選美。」對於之前被指大細眼,她笑指:「有時瞓醒都會有呢個問題,好彩今日無事。」

想即時睇到更多日本文化、ACG、網絡最新資訊,請即加入facebook!
https://www.facebook.com/GameoverHK