fbpx
主頁, 專題熱話, 遊戲新聞 — 15/11/2012 at 12:41 pm

亞洲遊戲展2012大使 鄭伊健出場

by

之前有張遮口遮面相,叫大家估邊位今年做大使,不過早幾日佢女友蒙嘉慧就喺微博留言讚相中人有型,篤爆咗成件事。好啦,官方啱啱都正式揭曉咗,係最鍾意打機嘅陳浩南!聶風佢會擔任今年12月21日至24日舉行嘅「亞洲遊戲展2012」大使,仲會喺12月21日預言世界末日當日出現灣仔會展現場揭幕。另外,華英雄會喺11月25日出席荷里活廣場舉行嘅「亞洲遊戲展2012」發表會,入面有拍攝靚相嘅花絮,入嚟睇睇。

首次擔任亞洲遊戲展大使嘅伊健表現興奮:「雖然我好鐘意打機,但今次係第一次擔任遊戲展大使,近年玩得最多都係射擊遊戲,間中會約埋朋友online對戰。不過因為工作關係,我近來打得最多都係手提機PS Vita嘅遊戲。」日前大會安排伊健到影樓拍攝宣傳照,有關方面準備咗足5磅重嘅道具機械手俾伊健做「武器」,配合後期特別效果,令伊健仿如末日救世者。現場所見,每到休息時間,伊健都會除下道具手伸展一下。問到會否和女友蒙嘉慧一齊打機,伊健笑住話:「佢比我更鐘意打機,不過我主要玩射擊遊戲,佢就偏向一啲智力遊戲,佢成日話我係遊戲分析員,鍾意分析隻遊戲多過真係打機。」

在正式公佈鄭伊健為今年遊戲展大使前發生了一段小插曲,話說大會上星期開始喺網上舉行「競猜遊戲展代言人」活動,圖片所見,伊健遮住大半邊面,唔少網友看到這招牌動作都估代言人是周杰倫,其他熱門人選還包括古天樂、陳偉霆,連鄭子誠都榜上有名!女友蒙嘉慧就喺新浪微博以「蒙嘉yo」戶口轉載了競猜活動照片,令不少網友都大叫:「你劇透了‥‥‥」、「很明顯的貼士!」

 

 

歷年代言人回顧

2012亞洲遊戲展 末世代言人是誰?