主頁, 動漫資訊, 潮玩新聞 — 21/06/2016 at 10:30 am

《鐵將縱橫》藏王陣亡!我好唔捨得那日!

by

Image-1 (14)

事忙,擒晚先有時間坐低慢慢睇第225期《鐵將縱橫》,今期書名叫〈萬世千秋 皇者殞落〉,封面那日俾兩把刀行住條頸,殞落皇者就係指呢個藏王。睇埋內文,慘慘慘慘慘,敵不過李建成神速道,那日身首異處,臨終化作一股意念,意念化成火人,火人穿越萬里傳遞訊息,通知滅絕王同赤殺王幫拖,當真壯懷激烈。
唔知其他同讀者點睇,《鐵將縱橫》主角中嘅主角就一定係鐵縱橫同赤殺王,再之後應該數到武林三祖、柴榮、李建成、獨一神尊、卓天威……而那日,斷估好多讀者都將佢排到呢個較後位置,但我卻唔知點解,居然好唔捨得那日收皮,或者佢有啲似石黑龍啩,又或者佢兩隻敖犬好可愛啩?又或者因為佢嘅崗日潛爆同登峰絕步好有型啩,總之就唔捨得佢死,今次打大Boss三兩期就魂歸天國,嗰種唔捨得嘅感覺,居然同舊版《龍虎門》王小龍之死相似。福龍,點解你咁忍心呀?那日,永別喇,安息啦。

1

2

3

4