主頁, 動漫資訊, 潮玩新聞 — 12/11/2012 at 4:00 pm

完全版《群俠傳》卷廿一:鐵石心腸白愁飛!

by

完全版《群俠傳》卷廿一$48

話我吹毛求疵都係咁話o架o勒,點解硬係要畫到無情成條女咁款?紅頭髮梳中間暗界、水汪汪黑眼睛、間呎鼻、錐子臉再加櫻桃小嘴,丁點武林高手風範都無,司徒劍橋你想點呀?
講番今期精采內容,故事發展到柳五幫李沉舟同趙師容設靈,邀請天下豪傑弔唁,白愁飛明落權力幫面,帶元十三限、任勞、任怨同唐斬等爪牙踢館。期間,白愁飛以瞻養遺容之名要求開棺驗屍,眼見俾自己親手所殺o既最愛女人,百感交雜仍強忍眼淚,心腸委實鐵一般硬。罵戰完,一言不合就大打出手,柳五先退唐斬再戰白愁飛,邊隻揪邊談愛的 真蹄,可惜絕招風流玩意不敵驚神指,連李沉舟同趙師容屍首都保唔到,最後居然出絕招中的絕招──翻天三十六奇。絕招中的絕招一出,連神功大成o既香愁飛都招架唔住,跟住點?下期自有分曉,點解柳五會識得李沉舟獨門絕學?佢又點練成呢三大奇功之一?又……唔好又來又去o勒,等多兩個禮拜睇下卷啦。家陣我淨係知,柳五一定唔夠打,最尾攬住李沉舟同趙師容兩條屍一齊落黃泉,非常之壯懷激烈。